Sky Strike!
Sumunod ang isang Dragon Tooth matapos ang Sky Strike. Ito ay isang simple't ordinaryong kombo ng mga Battle Mage. Walang ginawang kakaiba't kahanga-hanga si Sun Xiang matapos niyang selyuhan ang mga madadayang pamamaraan ni Fang Rui.
Ginamit lang niya ang ordinaryo't epektibong pamamaraan na ito para ihagis sa hangin si Boundless Sea.
Noong nakita ni Fang Rui na nasa hangin na ang kaniyang Boundless Sea ay nanlamig si Fang Rui.
Stamina...
Talagang kinalimutan ni Fang Rui ang konseptong ito ng laro. Masyadong mabigat ang kinakaing stamina ng kaniyang istilo ng paglalaro. Pero sa loob ng anim na taong paglalaro niya bilang isang propesyonal na manlalaro ay hindi kailanman naging isyu para sa kaniya ang kaniyang stamina.
Kapag wala kang Mana ay walang kang magagawa. Kapag wala ka namang Health ay patay ka na, pero kapag wala kang Stamina. Kailangan mo lang maghintay ng saglit, at babalik na ito sa iyo.
Palagi namang totoo ito.
