Biglang lumabas ang ulo ni Moon-Luring Frost sa isa sa mga stalagmite.
Boom!
Kaagad namang umulan ang mga bala ni Su Mucheng papunta sa kaniya. Talagang hindi nga naging maganda ang tayming ng paglabas sa ulo ni Moon-Luring Frost. Sa paglabas niya sa kaniyang ulo ay nakaturo pa sa kaniya ang kanyon ni Dancing Rain.
Dahil diyan, noong lumabas ang kaniyang ulo ay kinalabit na lamang ni Su Mucheng ang kaniyang gatilyo.
Nakaturo ang mga balang pinapakawalan ni Dancing Rain sa may dulo ng stalagmite na pinagtataguan ni Moon-Luring Frost imbis na direkta sa kaniya. Inisip ni Su Mucheng na marahil ay magagawang makapagtago ni Moon-Luring Frost sa kaniyang mga atake.
Dahil diyan, napasiyahan ni Su Mucheng na sasamantalahin na lamang niya ang pinsalang inilalapat ng mga artillery shells niya sa paligid, kaysa sa direktang pinsalang nailalapat nito sa kaniyang kalaban.
