Sa nagdaang mga taon ay isang All-Star na manlalaro rin naman si Jiang Botao, at mataas-taas na pwesto ang kaniyang nararating. Ramdam ng lahat na siya ay isang pambihirang manlalaro, pero kung tinatanong mo sila kung ano ang maganda kay Jiang Botao.
Hindi nila nagagawang sumagot. Ramdam nila na si Jiang Botao ay isang pambihirang manlalaro, pero hindi nila magawang ilarawan kung saan siya magaling.
Kahit na ang Team Samsara ay parang hindi mahanap ang mga maiinam na salaysay para ilarawan ang kanilang Vice-Captain. Sa huli, ang kaniyang kasikatan ay inisip ng lahat na lumitaw lang dahil sa siya ay Vice-Captain ng isang Kampeonatong Team.
Pero ngayon ay naging malaki ang papuring ibinigay ni Ye Xiu sa kaniya: Katakot-takot raw si Jiang Botao!
Kalmadong katakot-takot!
