Nalampasan ni Lord Grim si Immovable Rock. Nakita ni Zhang Xinjie ang lahat ng ito pero wala siyang magawa para pigilan si Ye Xiu. Gayunpaman, sa anggulo niya sa mga sandaling ito ay may nakita siyang binubunot si Lord Grim mula sa kaniyang nakatiklop na payong.
Ano kaya 'yan?
Ang ganiyang klase ng galawan ay mula sa skill, ano? Pero anong skill kaya 'yan? Ito ang pinakanakakainis sa isang unspecialized. Imposibleng mahulaan mo ang skill na gagamitin nila sa isang labanan.
"Ingat!" Walang magawa si Zhang Xinjie kundi ang magbigay na lamang nang isang hindi malinaw na babala. Pero dahil sa madalang lang na naguusap ang mga manlalaro ng Team Tyranny sa isa't-isa. Sa ginawa niyang ito ay malinaw na talagang nag-aalala siya tungkol sa kung ano ang gagawin ni Ye Xiu.
Para kay Zhang Xinjie, pinakanakakatakot iyong mga bagay na hindi nalalaman.
