Nabuwal si Boundless Sea, at sa mga sandaling iyon ay nabaliktad ang kalangitan, at kalupaan para kay Fang Rui. Ang tanging nakikita na lamang niya sa mga sandaling ito ay ang mga suntok, at sipang umuulan sa katawan niya.
Iyan ay dahil sa naabot na siya nina Han Wenqing, at River Sunset. Ngayon, mabangis na nagpapakawala sila ng mga atake sa kaniya.
Naging mabilis ang pagbagsak ng kaniyang Health. Hindi sapat ang tulong ni Dancing Rain para maibsan ang problemang kinakaharap niya sa mga sandaling ito. Iyan ay dahil sa masyadong mabibilis, at mabangis pa rin naman ang pakikipaglaban ng tatlo sa kasagsagan ng mga apoy, at usok.
Ang Immovable Rock naman ni Zhang Xinjie ay ginagawa ngayon ang lahat ng makakaya niya para lapatan ng lunas ang kaniyang mga kasamahan. Ganito nakikipaglaban ang Tyranny. Kahit na ang pinakamaliit na detalye ay hindi nila nakakaligtaan.
