Nandito na ako.
Isang ordinaryong salaysay lang naman ito para sabihin ang mga salitang ito sa ganitong klase ng sitwasyon ay parang sinasabi mo na rin na, "pinapalibutan na namin kayo" sa iyong mga kalaban. Pero imbis na ang Happy ang nagpapalibot, si Tang Rou ang napapalibutan ng mga kalaban.
Ang mas masama pa dito ay maganda sana kung tahimik na pinasok niya ang labanan, pero sumigaw pa siya sa Public Chat na para bang hinahagisan niya ng langis ang apoy para mas maging malakas ito.
Ang labanang nagaganap ay isang labanan dito sa playoffs ng Glory Professional Alliance. Limang manlalaro lamang ang maaaring sumabak sa labanan. Magsisisigaw ka man diyan ay hindi maaaring maniwala ang iyong mga kalaban na may dala kang isang-daang tao bilang kasamahan mo sa laban.
Hindi maintindihan ng mga manonood ang katapangang ipinapakitang ito ni Ye Xiu. Pero mas naguluhan sila sa naging reaksyon ng Tyranny.
