Nilisan na ni Zhang Jiale ang kaniyang silid na pinaglalaruan. Kahit na pinapalakpakan ng lahat ang kaniyang kalaban dahil sa kaniyang pagkatalo ay nanatili pa rin siyang kalmado. Hindi naman kasi importante para sa kaniya ang pagkatalo na tinamo niya dito.
Dahan-dahang bumaba sa entablado si Zhang Jiale. Nagpatuloy ang sigawan ng mga manonood, pero may maririnig kang ilang mga pagmumura mula sa mga manonood na para sa kaniya. Noong nagbalik na siya'y malinaw na talagang bumaba nga naman ang kaniyang kasikatan.
Tumayo na sa kaniyang upuan ang ikatlong manlalaro ng Tyranny. Lumitaw na sa mga malalaking screen ang pangalan, at ang karakter ng susunod na manlalaro na iyon.
Lin Jingyan, Brawler, Dark Thunder.
