Si Seven Fields at ang mga kasamahan niya ay hindi rin naging komportable. Ang sitwasyon na ito'y maihahantulad sa isang sitwasyon na kung saan may nakilala kang magandang babae, at ang kaibigan mong manyak at mapusok ay palagian kang kinukulit para maipakilala mo siya sa babaeng iyon. Kahit na ano pa ang gawin mo ay hindi mo siya napipigilan at sa huli'y wala ka nang nagawa pa kundi ipakilala siya sa babaeng iyon.
Malinaw na hindi dapat hayaan ang manyak na iyon na gawin ang gusto niyang gawin. Pero hindi ito ang inaalala ni Seven Fields at ng kaniyang mga kasamahan. Paniguradong ang "babaeng" iyon ay hindi mabobola ng manyak.
Ang inaalala nila ay baka ang manyak ay mabugbog-sarado ng manyak na iyon. Ang babaeng pinag-uusapan nila'y hindi isang mahinhin at matatakuting babae, kundi si kuyang mahusay. Ang taong nagpakilabot sa buong mundo bago pa niya marating ang Level 30.
