Nawala na ang Death's Door dahil sa naisagaw na nito ang kaniyang trabaho. Sa kasagsagan ng liwanag ng Death's Door na napapawi na, ang tuluyang napinsala sa lakas nito ay si Lord Grim.
Kinopya ni Ye Xiu ang mga ginawa ni Yu Wenzhou. Pero noong naisip ng lahat ang mga nangyari ay hindi nila maintindihan kung papaano ba nangyari ang lahat ng ito.
Kasi naman, iba naman ang sitwasyong kinaharap ng Happy kaysa sa kinaharap ni Yu Wenzhou sa nagdaang yugto ng labanan.
Noong kaharap ni Yu Wenzhou ang Death's Door. Iisang manlalaro lamang ang nasa loob ng lugar na nasasakupan nito. Iyon ay ang Swoksaar ni Yu Wenzhou. Dahil diyan, noong binangga ni Swoksaar ang Death's Door ay natapos na ang Death's Door.
Pero sa mga sandaling ito, hindi lamang si Lord Grim ang nasa lugar na nasasakupan ng Death's Door, nasa loob rin nito sina Boundless Sea, at Steamed Bun Invasion. Sa totoo lang ay masasabi mo nga na silang dalawa ang pinupuntirya ng Death's Door na ito.
