Matapos makita ang mensahe ni Yu Wenzhou na ito sa chat ay kaagad na napuno ng palakpakan ang buong Xiaochuan Stadium.
Noong nabasag ng kalaban ang pambihirang Formless Phantom Blade ni Huang Shaotian ay hindi mapigilang mag-alala ng mga manonood, at dahil diyan ay papaanong hindi mapigilang mag-alala ng mga manlalaro sa labanan?
Pero naging sapat na ang salaysay na ito na mula sa kanilang Captain para mawala ang pag-aalala nilang lahat.
Tama!
Isang atake lang naman iyong nailagan ni Ye Xiu. Kahit na gaano pa man kapambihira ang pamamaraan na ginamit niya ay wala namang kakaiba sa naging resulta. Isang pag-ilag lang naman iyo sa huli.
Kahit na pambihira, masyadong mahirap isagawa't hindi kapani-paniwala ang pamamaraang ginamit para maisagawa iyon, wala naman itong naidudulot para magbago ang takbo ng labanan. Isang simpleng pag-ilag lang naman talaga iyon.
Huwag niyo indahin ang mga nangyari, huwag kayong mawalan ng tiwala sa sarili.
