Masama ang pakiramdam ng buong Tiny Herb. Ipinaliwanag ni Captain Wang Jiexi sa lahat na may kasalukuyang ginagawang espesyal na pag-eensayo ang mga miyembro ng Team Tiny Herb, na nakaapekto sa kanilang kondisyon. Pero dahil sa sila'y nasa unahan pa rin kahit na sila'y natalo, hindi ininda ni Wang Jiexi ang pagkatalo.
May tanging isang hangarin lang ang Tiny Herb, ang makuha ang kampeonato, ang kanilang ipinamalas sa mga ordinaryong labanan ay hindi na importante.
Hindi sapat na paliwanag sa kanilang pagkatalo ang espesyal na pag-eensayong sinasabi ni Wang Jiexi, at wala pang nakakaalam kung totoo nga ang sinasabi niya o nagsisinungaling siya. At hindi naman ganoon kasama ang kanilang naging resulta. Gayunpaman, ang ipinamalas nila'y nakaapekto sa mga natatanggap nilang sustento mula sa kanilang sponsors.
