Sa wakas ay itinigil na ni Song Xiao ang pagtatago sa kaniyang kalaban, at naghanda na siyang harapin ng harap-harapan si Ye Xiu. Pero si Ye Xiu mismo ang tumangging makipagtulungan sa kaniya, kasi naman. Si Ye Xiu na ang nagsasagawa ng mga bagay na ginagawa niya kanina.
Dahil dito, nagpatuloy ang nakakabagot na labanang ito.
"Hindi ba't dapat na madaliin ni Ye Xiu ang katapusan ng labanang ito? Bakit pa niya pinapatagal ang lahat..." Sabi ni pan Lin.
"Nasa kaniyang mga kamay ang inisyatiba habang pinapatagal niya ang labanan. Kung pagod ang pag-uusapan ay di-hamak na mas kalmado si Ye Xiu sa paglalaro ng ganito..."
'Kapag nakipaglaban siya ng harap-harapan kay Song Xiao ay malamang na magiging isang tagisan sa husay, galing, at bilis ng reaksyon ang labanang iyon. Para kay Ye Xiu na sobra sa sampung minuto nang naglalaro, masyadong nakakapagod naman iyon..."
