Ang lahat ng mga nanonood sa istadyum ngayon ay hindi na mapigilang antukin.
Ito ang laro ng Blue Rain, at sarili nilang istadyum ang ginagamit sa labanan. Pero ang Blue Rain ang may kasalanan kung bakit nababagot ang lahat. Ang mga manlalarong hinahangaan nila ang tumatanggi na harapin sa isang harap-harapang labanan si Ye Xiu.
Ang mga manlalaro nila ang nagpapatagal sa labanang ito.
Parang ang ginagawang ito ng mga manlalaro ng Blue Rain ay isang malaking pagsubok kung talaga bang minamahal sila ng kanilang mga tagahanga...
Ang mga tapat na tagahanga ng Blue Rain na nakakalat sa istadyum ay kasalukuyang hinaharap ngayon ang pinakamalaking sakit sa ulo simula noong nagpunta sila sa istadyum ng Blue Rain para suportahan mismo ang Team.
Masyadong pinapatagal ng kanilang Team ang labanan sa punto na nahihirapan na silang magkaroon ng motibasyon na magsisisigaw bilang pagsuporta.
