Limang minuto.
Ang isang harap-harapang labanan na nagtatagal ng limang minuto ay hindi naman kakaiba sa hanay ng mga propesyonal na manlalaro. Pero ang problema ay ang labanang ito'y nagtatagal na nang limang minuto, pero punong-puno pa rin ang Health ng dalawang karakter.
Ang pinsalang nailapat ni Swoksaar dahil sa kaniyang Chaotic Rain, at Sandstorm Trap ay hindi mo na makikita dahil sa Recovery ni Lord Grim.
Sa ngayon, nasa coordinates na binigay ni Ye Xiu na ang dalawa nilang karakter, pero wala pang kahit na sino sa kanila ang lumilitaw.
"Nasaan ka na, lumabas ka na!" Pasigaw na sabi ni Ye Xiu.
"Nandito na ako, pero hindi kita nakikita." Sumagot naman si Yu Wenzhou.
"Noong una'y ako ang lumabas, ngayon. Ikaw naman ang dapat na lumabas." Sabi ni Ye Xiu.
"Anong una?"
"Huwag ka ngang magkunwari na hindi mo alam ang sinasabi ko? Nakalimutan mo ba 'yung kanina na nagpapaputok ako't hinayaan ko na atakihin mo ako?" Sabi ni Ye Xiu.
