Boom!
Masyadong mataas ang prayoridad ng Falling Phoenix Slash, at dahil dito ay walang magawa si Deception kundi ang bumagsak na lamang sa lupa't yakapin ito. Pero sa kasamaang-palad ay isang kasunod na atake na naman ang lumabas.
Falling Light Blade!
Para bang lumilipad na si Troubling Rain dahil sa udyok ng kaniyang Ice Rain, at sa isang iglap lamang ay narating niya ang kinaroroonan ngayon ni Deception.
Dali-dali rin namang naghanda ng isang skill si Deception.
Substitution Technique!
Nahinuha ni Huang Shaotian ang lahat ng ito. Ito naman kasi ang pinakanakakainis na katotohanan kapag mga Ninja ang iyong kalaban. Masyadong marami silang paraan para makatakas na maaaring maging dahilan para mabasag ang pagkasunod-sunod ng iyong mga atake sa Ninja na iyon.
