Tinahak nina Lord Grim, at Flowing Cloud ang kani-kanilang ruta. Hindi parehas ang daang tinatahak ng dalawa. Pero sa mata ng mga manonood, makikita mo na parang nilalapitan ng dalawang manlalaro ang isa't-isa, kahit na mayroong mga nakaharang sa pagitan nilang dalawa.
Gumagalaw sa isang deretsong linya ang Flowing Cloud ni Lu Hanwen, at siya ang unang nakarating sa sentro ng mapa. Matapos makita na wala sa paligid niya ang kaniyang kalaban, hindi siya nagdalawang-isip na sumugod ng mas malalim pa sa balwarte ng kaniyang kalaban.
"Wow, desidido nga itong si Lu Hanwen!" Nabigla si Pan Lin.
"Oh? Sa pamamaraang ito ay hindi magagawang tambangan ni Ye Xiu si Lu Hanwen na inaakala niya na nasa sentro ng mapa. Kasi naman, wala na siyang matatagpuang Flowing Cloud doon!" Sabi ni Li Yibo.
"Ito ba ang stratehiyang sinabi ni Song Xiao sa kaniya? Simple nga lang ito, pero epektibo naman!"
