Ang Fiery Blaze ni Wang Jiexi ay nakatayo sa labas ng gusali. Pagkatapos marinig ang boses, kaagad siyang tumalikod at pumasok sa loob ng gusali.
Wala, wala pa rin namang tao. Kung ganoon, sino ang nagsalita kani-kanina lang?
Sa labas ng gusali, ang mga kasamahan niya'y parehas ang iniisip, pero kaagad nilang nalamaan ang sagot sa kanilang katanungan.
Si Soft Mist!
Kagabi, isa sa mga manlalarong umubos sa kanilang grupo ay isang babaeng Battle Mage na nakatayo ngayon sa gilid.
Ang lokasyong kanilang kinatatayuan ay isang napakapangkaraniwang lokasyon para sa lahat. Dito lumilitaw ang mga halimaw at mga samu't-saring manlalaro ang palagiang dumaraan.
Dahil dito, hindi masyadong pinagtuonan ng pansin ng Team Tiny Herb ang kanilang paligid habang hinihintay na lumitaw ang BOSS. Lalo na nung nagsimulang magsalita ang kanilang Captain. Kahit sa laro'y iniharap nila ang kanilang mga karakter sa kanilang Captain.
