"Papunta na siya!" Pasigaw na sabi ni Wu Shuai sa Parade Chat. Ang kanilang opensiba ay itinutuon nila kay Boundless Sea, dahil sa gusto nilang palapitin sa kanila si Lord Grim.
Ang mapatay ang One Inch Ash ni Qiao Yifan? Hindi naging sapat ang resulta na ito para matuwa sila, kahit na umasta silang kampante. Sa totoo lang ay isang malaking banta pa rin para sa kanila ang Happy kahit na nawalan na ang Happy nang isang manlalaro sa kanilang hanay.
Gayunpaman, kapag naipadala na nila sa langit si Lord Grim, doon ay masisigurado na nila ang kanilang tagumpay.
Ang isinasagawa nilang pagpapalibot kay Boundless Sea ay ginawa nila para masaklolohan ni Ye Xiu si Boundless Sea. Ang tunay naman kasi nilang pinupuntirya ay si Lord Grim.
"Maghanda kayo!" Sabi ni Wu Shuai. Malinaw na hindi naman talaga ginagawa ng mga manlalaro ng Parade ang lahat ng makakaya nila para bugbugin si Boundless Sea. Lahat sila'y naghihintay sa mga sandaling inaasam-asam nila.
