Hindi naman malakas ang pwersa ng Cloud Grasping Fist. Noong hinarangan ito ni One Inch Ash ay kaagad na dumapo ang Qi sa kaniyang katawan na naging galamay na humatak sa kaniya papunta sa kinaroroonan ni Chaotic Cloudy Mountains.
Hinihila lamang ng skill na ito ang kalaban papunta sa iyo, hindi nito nililimitahan ang galawan ng iyong kalaban. Si One Inch Ash na sinadyang saluin ang atake para kay Little Cold Hands ay nagpadala rin ng isang atake sa kaniyang kalaban habang lumilipad siya papunta sa kanila.
Ghost Slash!
Naunang dumating ang atake na ito kay Chaotic Cloudy Mountains kaysa kay One Inch Ash. Pero inaasahan na ni Lu Boyuan ang atake na ito matapos makita na sinalo ni One Inch Ash ang Cloud Grasping Fist para kay Little Cold Hands.
Syempre, naging madali para sa kaniya ang pag-ilag. Sa totoo lang ay sinusunggaban na nga niya si One Inch Ash.
