"Ang gulo mo naman!" Nagpadala ng isang naiinis na emoticon si Steamed Bun na para bang siya ay isang guro na pinapangaralan ang isang istudyante. Pagkatapos nito, deretsahang hinarap ni Steamed Bun Invasion ang atake ni Chaotic Cloudy Mountain
Circle Sweep Kick!
Tumalon sa hangin si Chaotic Cloudy Mountain, at para bang gusto niyang apakan si Steamed Bun Invasion. Pero alam ng lahat na may samu't-saring mga skill ang mga Grappler na mayroong Grab Effect. Hindi nakakatakot na matamaan ka sa sipa.
Ang nakakatakot ay ang pawalis na atakeng susunod ng sipa. Mayroong Grab Effect naman kasi ang pawalis na atake na iyon, at dahil diyan ay matutumba ka nito sa lupa.
Parang alam naman yata ni Steamed Bun ang banta ng skill na ito. Hindi siya gumamit ng isang skill para kalabanin ang apoy gamit ang apoy. Imbis na gawin iyon ay sumugod siya't bigla siyang tumalon sa isang tabi.
