Bahagyang natagalan ring pakalmahin ng Happy ang kanilang sarili dahil sa mga sorpresang natanggap nila sa kasagsagan ng Spring Festival. Gayunpaman, hindi maaring palagian na lamang silang magdiwang. Ito ay dahil sa dalawang araw na lang ay magsisimula na naman ang mga labanan.
Para sa ikadalawampung yugto ng mga labanan ay nasa Team Happy ang kalamangang pumili ng mapa, at dahil sa istadyum nila gaganapin ang labanan ay hindi nila kailangang maglakbay ng malayo papunta sa kanilang mga kalaban.
Pero sa kasamaang-palad, ang makakalaban nila sa yugtong ito ng mga labanan ay ang pinakamalakas na Team sa buong Alliance.
Nasa harapan na naman ng Happy ang Samsara, matapos ang nagdaang labanan nila sa unang yugto ng mga labanan sa regular season ng Alliance. Noon, binugbug-sarado ng Kampeonatong Team na ito ang Team Happy na kakaangat pa lamang sa Alliance mula sa Challenger League.
