Ferocious Tiger Flurry!
Mabangis, mabilis, walang-mintis, at matatag.
Tumilapon sa isang tabi ang One Autumn Leaf ni Sun Xiang matapos tumama ang unang suntok, sa ikalawang suntok naman ay walang nagawa si Troubling Rain kundi ang depensahan ang sarili imbis na iligtas si Swoksaar.
Sa ikatlong suntok naman ay napilitang umatras ang Demon Subduer ni Tang Hao.
Tanging si Han Wenqing lamang ang may kakayahang magpakita ng ganitong lakas gamit ang isang Ferocious Tiger Flurry. Sa isang iglap lamang ay tatlong mala-Diyos na manlalaro na ang kaniyang nasupil, at pwersahang napaatras.
Kahit na sa loob lang naman ng ilang mga sandali nagtagal ang panunupil ni Han Wenqing, naging sapat na ito para sa Team B.
Si Yu Wenzhou, ang manlalarong masyadong mabagal ang mga kamay sa hanay ng mga propesyonal na manlalaro ay kinakailangang harapin ngayon si Lord Grim. Isang unspecialized na masyadong mabilis ang mga atake.
