Sa wakas ay dumating na ang rurok ng All-Star Weekend, at nanginig sa pananabik ang buong istadyum.
Sa totoo lang ay hindi naman talaga kapana-panabik ang sagot sa tanong kung sino ang mga manlalarong magkakalaban para sa kumpetisyong ito.
Kasi naman, marami naman kasing yugto ng mga labanan ang magaganap, at makikita mo rin naman sa mga opisyal na labanan ng Alliance ang magiging labanan ng iba't-ibang mga Team na ito.
Ang pinakaimportante't kapana-panabik na tanong sa All-Star Competition ay kung sino sa mga manlalaro ang magsasama-sama sa isang Team para makipagtulungan sa isa't-isa! Kadalasang ang mga manlalaro na ito ay nasa iba't-ibang mga Team, at dahil diyan ay bihira lamang silang magsama.
Talagang gustong-gustong makita ng mga manonood na magkasama ang mga manlalarong may galit sa isa't-isa. Kasi naman, hindi naman sila nagsasawa sa mga bangayan, at hidwaan sa hanay ng mga propesyonal na manlalaro.
