Natapos na ang Hot-Blooded Dodgeball. Naging marami ang sumali, at dahan-dahan silang natatanggal sa paligsahan. Dahil diyan ay maaring ang tatlong mga mini-game na isasagawa sana ng Alliance ay naging isa na lamang dahil sa Hot-Blooded Dodgeball na ito.
Gayunpaman, dahil parang hindi rin naman yata maganda na isang kaganapan lamang ang kanilang isasagawa ay nagsagawa rin sila ng isang Three-Legged Race.
Makikita na ang Tyranny na ang kasalukuyang pinuno sa All-Star Weekend ng taong ito ay gustong-gustong ipakita sa lahat ang kahalagahan ng pakikipagtulungan. Kahit na sa Hot-Blooded Dodgeball o sa Three-Legged Race. Kailangan nilang makipagtulungan sa isa't-isa.
Gayunpaman, ang pinakahihintay ng lahat na pagpapares ng mga All-Star na manlalaro ay hindi lumitaw sa mga mini-game na ito. Alam rin naman kasi nila na isasagawa lang ang lahat ng iyon sa pinakahuling araw ng All-Star Weekend.
