Ang unang manlalarong pinuntriya ni Du Ming ay ang taong nanghamak sa kanila kanina na si Wei Chen. Sa isang kurap ng espada ay kaagad na nalapitan ng kaniyang Moon-Luring Frost si Windward Formation. Itinaas niya ang kaniyang kamay, at inihagis niya ang Sandbag.
Ang bilis ng isang Sandbag, at ang distansyang maari nitong mapuntahan ay nakadepende sa lakas ng isang manlalaro. Papaanong magkukulang sa ganiyan ang isang propesyonal na manlalaro? Naging parang isang anino na lamang ang Sandbag habang pinupuntirya nito si Windward Formation.
Pu!
Tumama!
Labis na natuwa si Du Ming. Ikaw na mayabang ka, nagyayabang ka pa kanina pero napaalis naman kita sa larong ito sa loob lamang ng tatlong segundo. Pero bago pa man makatawa si Du Ming ay natuklasan niya na hindi naman pala natamaan si Windward Formation.
