"Ah, talagang mapusok nga talaga ang mga matatanda..." Nabigla rin si Dai Yanqi sa mga nakita niyang galawan ng Happy. Inihanda na niya ang kaniyang sarili sa pagsugod ng Happy. Pero hindi niya inaakala na biglang liliko ang Happy sa mga nauna niyang plano dahil sa kaniyang mga sinabi.
Hindi naman yata maganda na gagawin na lamang nila 'yan ng basta-basta na lamang, hindi ba?! Pero ang problema ay ginawa nga nila talaga ang mga bagay na iyon. Hindi mapigilang matakot ni Dai Yanqi, hindi naman siguro niya sinira ang mga plano ng Team niya, hindi ba?
"Walang matataranta, pagtuonan niyo ng pansin ang inyong mga posisyon at dumepensa kayo!" Sabi ni Xiao Shiqin sa kaniyang mga kasamahan. Matapos makita ni Dai Yanqi ang mensahe ng kaniyang Team Captain ay para bang nabuhayan ang katawan ni Dai Yanqi, dahil dito ay kumalma siya.
Hindi nagtagal ay sumugod na rin sa harapan ang kaniyang Firebird Messenger.
