Ang mapa ay ang War Grasslands. Sa pangalan pa lamang ay malalaman mo na kung ano ang mga katangian ng mapa na ito. Unang lumitaw ang mga manlalaro ng dalawang kampo sa hilagang-silangan, at timog-kanlurang parte ng mapa na ito.
Sa mga panahong nakaalis na ang mga manlalaro ng dalawang kampo sa lugar na kung saan una silang lumitaw sa loob ng mapa na ito ay aakyat sila pataas. Sa pag-akyat nila ay mararating nila ang isang kapatagan na kung saan doon sila magtatagpo.
Sa liit ng mapa na ito, at dahil sa puro mga bato lang ang maaring pagtaguan ng mga manlalaro. Kapag ang mapa na ito ang iyong pinili ay kinakailangang maging mabilis ang iyong opensiba, at desidido. Ito ay dahil sa kapag hindi naging ganiyan ang opensiba niyo, mauunahan kayo ng inyong mga kalaban.
