Talagang masyadong mahirap ngang magkomentaryo sa mga labanan ng Happy! Napabuntong hininga si Pan Lin. Sa totoo lang ay hindi ka talaga mauubusan ng mga bagay na maari mong sabihin sa lahat kapag sa Team Happy ka gumagawa ng komentaryo.
Pero sa kasamaang-palad, lahat ng mga paksang maari mong mahanap ay punong-puno naman ng mga patibong.
Pero syempre, sa labanang ito ay hindi na kasalanan ng Happy ang lahat kung bakit nagkamali ang dalawang pinuno sa seremonyas na ito. Kasalanan na ito ng Thunderclap. Mabuti na lamang ay nakatuon ang pansin nilang lahat sa Happy imbis na sa Thunderclap.
Dahil diyan, kahit na nagkamali siya ay hindi naman naging masyadong nakakahiya ang pagkakamaling tinamasa niya. Pero syempre, hindi pa rin mapigilang kabahan ni Pan Lin sa mga susunod na mangyayari sa labanang ito.
Sa mga panahong bumaba na si Mi Xiuyuan mula sa entablado ay nakatuon pa rin ang pansin ng mga kamera kay Mi Xiuyuan.
