Pumalakpak ang mga manonood.
Sa totoo lang ay hindi naman talaga naiintindihan ng mga manonood ang mga planong ginagawa nina Ye Xiu, at Ge Caijie para isahan ang isa't-isa. Pero iyong mga taong gustong makakita ng aksyon ay kaagad na namalayan ang pagpalit ng anyo sa armas ni Lord Grim.
Sa totoo lang ay nakita naman talaga nilang lahat ang mga sandaling nagpalit ng anyo ang armas ni Lord Grim. Pero sa bilis nito'y hindi na nila nasisigurado kung ano nga ba ang nangyari. Mabuti na lamang ay kinausap ng dalawang magkalaban ang isa't-isa sa labanan.
Dahil dito ay nahayag sa lahat kung ano nga ba talaga ang nangyari sa kasagsagan ng labanan. Sa mga panahong natuklasan na nilang lahat ang katotohanan ay naging marami sa kanila ang napasigaw sa saya ng: "Nakita ko 'yun! Nakita ko!"
Natuklasan nila na ang galawang ginawa ni Lord Grim sa mga panahong 'yun ay ang galawan na kung saan nagpalit ng anyo ang kaniyang payong.
"Isang beses kong nakita!"
