Magic Missile!
Naging simple ang pambungad na atake ng Kind Tree ni Gao Yingjie.
Nailagan ito ng madali ni Lord Grim. Syempre, hindi rin siya nakukulangan sa pamamaraang umatake ng malayuan sa kalaban. Habang nakataas ang kaniyang Myriad Manifestations Umbrella ay nagpakawala siya ng sunod-sunod na mga Anti-Tank Missiles.
Sa pagkumpas ng kamay ni Kind Tree ay isang mala-bituing simbolo ang naihagis niya sa hangin. Ang simbolo ay naging isang Magic Ray na dumeretso sa kalaban.
Star Ray?
Hindi!
Tinamaan ng Magic Ray na ito ang isa sa mga Anti-Tank Missiles, at nagpatalbog-talbog ito sa iba pang mga Magic Missile bago pa man ito nagtungo kay Lord Grim.
Ito ay isang kakaibang uri ng Star Ray: Star Refraction. Kung ikukumpara sa Star Ray ay hindi ito masyadong malakas, pero nagagawang samantalahin ng isang manlalaro ang kakaibang katangian ng Star Refraction na ito para gumawa ng mga hindi inaasahang atake.
