Ang iligtas o hindi, ito ang katanungan!
Hindi malaman ni Lin Jingyan kung ano ang kaniyang gagawin sa ganitong klase ng sitwasyon. Sa ngayon, madali lamang para kay Dark Thunder na makatakas. Pero kasalukuyang pinapalibutan, at naghihirap ang Dazzling Hundred Blossoms ni Zhang Jiale sa isang sulok.
Gayunpaman, magiging sapat nga ba siya na iligtas si Dazzling Hundred Blossoms mula sa apat na manlalaro ng Happy na pinamumunuan ni Ye Xiu? Nagdalawang-isip tungkol dito si Lin Jingyan.
"Kalimutan mo na ako! Tumakbo ka na!" Sa sitwasyong ito ay si Zhang Jiale mismo ang gumawa ng desisyon para sa kaniya.
"Huh?" Naguluhan si Steamed Bun: "Bakit parang umaasta siya kagaya nung mga dalagita ng Misty Rain?"
Labis na nagalit si Zhang Jiale. Talaga bang hinahamak nila ang kagitingang pagsasakripisyo niya sa mga sandaling ito!
"Tama, umaasta nga siya kagaya nila." Sumagot naman si Ye Xiu.
