Hindi mapigilang manghina ng lahat matapos nilang marinig ang tanong ng isang Reporter tungkol sa Excellent Era. Tanging sa mga panahong tinanong lamang sila ng empleado sa Alliance kung mayroon pa bang magtatanong sa kanila sila nakabalik sa sarili nilang katinuan.
"Kamusta, Captain Ye Xiu. Sa mga sinabi mo ay nabuhayan ang pag-asa namin para sa hinaharap ng Excellent Era. Gayunpaman, gusto pa rin naming malaman kung ano ang tingin mo sa ginawang pagbebenta ng Excellent Era sa kanilang sarili. Salamat po."
Tanging sa mga sandaling ito lamang namalayan ng lahat na hindi naman pala sinagutan ni Ye Xiu ang tanong na ito kanina. Sinunod lamang niya ang takbo ng tanong na ito para makagawa ng sarili niyang sagot na hindi naman talaga konektado sa orihinal na tanong.
Dahil dito, biglang namalayan ng lahat na ang mala-Diyos na manlalarong inaasam-asam nilang makausap noon pa lamang ay hindi naman pala isang manlalaro na madaling kausapin.
