Kung titingnan mo ang kabuuang sitwasyon ng Alliance ay wala naman talagang nagbago dito. Kahit na nagawang makaakyat ng Team Wind Howl sa ranggo ay hindi rin naman bumagsak ang ibang mga malalakas na Team.
Imbis na ang Team Wind Howl ay ang Team Thunderclap, at Team 301 ang hindi nagawang makaakyat dahil sa nawala sa kanilang Team sina Xiao Shiqin, at Xu Bin. Hindi rin naging maganda ang paglalaro na ipinakita ng Team Hundred Blossoms sa season na ito.
Pero mabuti na lamang ay nagawa pa rin nilang maipakita sa kanilang mga tagahanga sa uli na sila ay matatag pa't hindi pa nanghihina. Hindi lang iyan, nagawa rin nilang makuha ang huling pwesto para sila ay makapasok sa playoffs.
Dahil sementado na ang pagkakahanay ng mga Team sa regular season, inilabas na ng Alliance ang iskedyul ng mga labanan sa playoffs. Ang naging masyadong mahigpit na labanan sa unang yugto ng mga labanan ay ang labanan sa pagitan ng Team Blue Rain, at Team Tiny Herb.
