Sa huli ay kinailangang buhatin papalayo si Cui Li, kasama ang walang-humpay na pagkurap ng mga kamera na hawak-hawak ng mga taga-midya.
Dahil nagkagulo na ang buong Press Conference, walang nagawa ang Excellent Era kundi ang umatras na lamang kasama ang mga guwardiya na umalalay sa kanila.
"Pasensya na sa inyong lahat. Pero dahil sa nangyari ay hanggang dito na lang muna ang pakikipanayam sa araw na ito." Sabi ng Press Officer na nagtratrabaho para sa Excellent Era.
Hindi niya pinansin ang pagrereklamo ng mga Reporter, dahil sa ginabayan niya ang mga manlalaro ng Excellent Era papaalis sa lugar na ito.
Nagsisisigaw na ang mga Reporter para ipaalam ang kanilang hinaing sa Excellent Era, pero nanatiling matatag ang Excellent Era sa ginawa nilang dessiyon: "Magsasagawa pa rin kami ng isang Press Conference sa hinaharap, doon na lang kayo magtanong."
Sa isang iglap lamang, wala na sa lugar ang mga tao ng Excellent Era, dahil sila ay nakaalis na.
