Kasabay ang ginagawang pananambang ni Lord Grim ay naging marami rin ang pumansin sa lakas na ipinakita ni Soft Mist sa labanang ito.
Kasi naman, mapangahas na hinarangan niya sina Sun Xiang, Xiao Shiqin, at Qiu Fei. Sa ginawa niyang ito ay papaanong hindi niya maakit ang atensyon ng karamihan sa mga taong nandirito?
Kahit na ang tatlong propesyonal na manlalaro ng Team Tiny Herb ay kasalukuyang nakatitig ngayon kay Soft Mist. Sa ginawang pananambang ng Team Happy sa Cleric ng Team Excellent Era, si Soft Mist ang nangungunang dahilan kung bakit sila ay nagwagi.
Kung hindi dahil diyan, papaanong magkakaroon ng pagkakataon si Lord Grim na tambangan ang Cleric ng Excellent Era, at papaanong mawawala siya sa mga mata ni Xiao Shiqin?
