"Sky Strike! Pagkatapos maharangan ang Tyrant's Destruction ni Combat Form ay kaagad siyang nagpakawala ng isang Sky Strike! Grabe, ambilis! Pero syempre, ito ay isang pangkaraniwang kombo lang naman. Sa tingin ko ay nagagawa rin ito ng karamihan sa mga manlalaro..."
"Pero ang maisagawa ang lahat ng ito ng ganito kabilis, malamang ay hindi marami ang makakagawa ng ganiyang klase ng bagay." Pasigaw na sabi ni Pan Lin.
"Gayunpaman, nagawa pa ring ilagan ni Lord Grim ang atake ni Combat Form sa ginawa niyang pagtalon paatras." Sabi ni Li Yibo.
"Mmhmm, sa tingin ko ay hindi naman kasi magiging isang banta ang ganitong klase ng kombo para kay Ye Xiu." Sabi ni Pan Lin.
"Tama, kinakailangang itatag ni Qiu Fei ang sarili niyang himig sa paglalaro para naman mahirapan sa kaniya si Ye Xiu. Sa madaling sabi, kaharap si Ye Xiu. Hindi sapat ang bilis lamang para ikaw ay manalo." Sabi ni Li Yibo.
