Kung maihahantulad sa isang maliwanag na bituin ang ipinakita ni Tang Rou sa kaniyang labanan kanina, maihahantulad ang ipinakita ni Mo Fan sa labanang kakatapos lamang sa isang bituin na matagal na naglaho sa paningin.
Sa simula ng labanan ay gumamit siya ng isang Shuriken para basagin ang Electron Eye ng Mechanic niyang kalaban na naging dahilan kung bakit nabigla ang lahat.
Matapos nito ay nagtagumpay siya sa kaniyang pananambang kay Life Extinguisher na naging dahilan kung bakit dumating sa rurok ang pananabik ng lahat.
At saka, sa mga panahong naghihirap na si Mo Fan at inaakala na ng lahat na hindi na siya makakawala sa mga galamay ni Life Extinguisher ay bigla siyang nakagawa ng isang himala't mas nabuhayan ang lahat matapos makita ang pambihirang opensibang pinakawalan niya sa huli.
