"6-star master teacher?"
Tumikwas ang kilay ni Zhang Xuan sa gulat ng biglang dumalaw si Pavilion Master Mo.
Hindi ba ang pinakamalakas na master teacher sa Myriad Kingdom Alliance ay nasa 4-star pinnacle lang? Saang lupalop ng mundo nanggaling ang 6-star pinnacle master teacher na ito?
Ang pangunahing pamantayan sa pagiging isang 6-star master teacher ay ang cultivation realm ng Transcendent Mortal 9-dan, at ang isang 6-star pinnacle master teacher… ay malamang na isang totoong Saint!
Para dalawin siya ng isang Saint…
Iniisip pa lang ito ni Zhang Xuan ay nakakapanindig-balahibo na.
Ang pagpapanggap pa nga lang sa isang half 5-star master teacher ay napakahirap na para sa kanya. Walang isang pangyayari sa buong insidente na iyon na hindi siya natakot na baka mahalata ng mga taong iyon ang panloloko niya. Pagkatapos, gagawin niya ito sa isang totoong Saint…
