"Bakit, hindi mo na 'to gusto?"
Nang mapansin niya ang nakakabinging katahimikan sa paligid, tumingin si Zhang Xuan sa kanya.
"Hindi sa ganun…"
Agad na ihinawi ni Huang Yu ang kanyang mga kamay.
"Mabuti naman at hindi ganun. Guguhit na pala ako kung ganun…"
Hindi na nagpaligoy-ligoy pa si Zhang Xuan. Agad siyang naglabas ng isa pang piraso ng puting canvas, dinampot ang kanyang mga brush, isinawsaw ang mga ito sa tinta, at nagsimulang magpinta. Hindi nagtagal, nakagawa siya ng isa pang painting.
