Hu!
Nang naglaho na ang pangatlong hagupit ng kidlat, nagkawatak-watak na ang mga madidilim na ulap sa langit, na para bang natapos na nila ang kanilang misyon. Nakahinga rin ng maluwag ang Golden Origin Cauldron bago ito nanghihinang yumuko sa lapag na para bang putik.
Dahil nakaabot na ito sa Leaving Aperture realm, kaya na nitong gumawa ng mga kilos na ginagawa ng mga tao, kagaya ng paglalakad at pagpupulot ng mga bagay.
Lumapit si Zhang Xuan sa Golden Origin Cauldron at nilapat ang kanyang kamay dito. Isang saglit lang, nakahinga siya ng maluwag.
Kahit na pagod na pagod ito pagkatapos nitong saluhin ang tatlong magkakasunod na kidlat, mabuti na lang at hindi masyadong napinsala ang espiritu nito. Basta't magpahinga lang ito ng maayos, gagaling na ito sa loob ng tatlong buwan.
Siyempre, kung personal itong papagalingin ni Zhang Xuan, iikli ang oras ng paggaling nito.
