"Hooowl!"
Ang mabangis na tigre ay tumakbo na tila nakadepende ang buhay niya doon, bakas sa mukha
nito ang matinding takot. Ang sinak na mukha nito ay wala na ang mga senyales ng malakas na
asal kanina!
Sa isang iglap, ang mga tao ay gulat na gulat at hindi makapagsalita.
Walang sinuman ang nakaisip na mangyayari ang ganoong bagay!
Ang may-ari sa mabangis na tigre ay nagulantang, kita sa mukha nito na halos lumuwa ang
mata at napanganga habang ang kaniyang Spirit Beast na tigre ay takot na tumalon palabas ng
battle arena platform, naninigas na pinagulong ang sarili sa lupa!
Anong uri ng sitwasyon iyon?
Ang buong battle arena ay tumahimik.
Ang inaasahan ng lahat na mangyayari ay hindi nangyari. Umikot lahat ng mga pangyayari.
Ang Spirit Beast na dapat ay may kontrol sa kaniyang kalaban at nagpakita ng matinding lakas
sa pamamagitan ng lawa ng dugo ay biglang nanginig na parang isang bagong silang na sisiw
sa braso ng kaniyang tagapangalaga, halos madurog niya ito dahil sa taglay nitong bigat.
Habang ang tupa na dapat ay magiging pagkain ng mabangis na tigre ay ligtas na nakatayo sa
arena platform, walang imik at inosenteng tupa ang hitsura.
Ang mga tao ay napatitig at hindi makapaniwala at nahihirapan silang tanggapin kung ano ang
tunany na nangyayari.
Walang may alam kung ano ang magiging reaksiyon nila sa naging resulta…
Sino ang makapagsasabi sa kanila kung ano ang tunay na nangyari?
Si Qing Yu na nakabara ang puso sa lalamunan ay hindi rin nakahuma. Hindi lamang nagawa ni
Lord Meh Meh na hindi malamon ng buo ng mabangis na tigre, nagawa rin nitong takutin ang
mabangis na tigre na ilang beses ang laki sa kaniya sa pamamagitan lamang ng isang mahinang
"meh"…
Ang naging katapusan ng mga pangyayari ay talagang nagbigay kaguluhan sa mga tao.
Si Lord Meh Meh ay najatingin sa mabangis na tigre na ngayon ay nakabaluktot sa kaniyang
tagapangalaga at takot na takot, at isang malabong bakas ng puring bula ang makikita. Ang
mga mata nito ay halos namumuti na dahil sa matinding takot na nararamdaman ng Spirit
Beast, halos mawalan ito ng malay dahil sa takot!
Dahil sa napakalaking sukat ng mabangis na tigre ay halos madurog ang buto-buto nito sa
ilalim ng mabigat na timbang.
"Meh?" si Lord Meh Meh ay naglakad na sa battle platform at nagtungo sa dulo, ang bilugan
at mabalahibong buntot nito ay masayang kumakawag habang ang ulo ay nakataas at may
tuwang nakatingin kay Jun Wu Xie.
[Nanalo si Lord Meh Meh sa laban? Mayroon ba talaga akong dahon ng lotus?]
Nang makita ang ekspresyon ni Lord Meh Meh na inosenteng nanghihingi ng papuri at
gantimpala ay nawala sa mga mata ni Jun Wu Xie ang panlalamig at malamlam na liwanag ng
tuwa ang bumanaag sa kaniyang mga mata.
Hindi alam ng mga tao na naroon na ang munting bola na tupa sa kanilang paningin ay isang
tunay na Guardian Grade Spirit Beast. Itinatago ang nangingibabaw na presensiya ng pagiging
Guradian Grade Spirit Beast sa anyo ng isang munting tupa. Higit pa roon, laging hinihiling ni
Jun Wu Xie na itago iyon ng may katagalan na rin kaya naman nagawang itago ni Lord Meh
Meh ang tunay na presensiya nito bilang isang Guardian Grade Spirit Beast ng mag-anyong
munting tupa ito.
Ngunit sa mga sandaling ibinukas ni Lord Meh Meh ang kaniyang bibig kanina, ay tinawag nito
ang kapang yarihan bilang isang Guardian Grade Spirit Beast. Para sa mga tao, ang mahinang
tunog ng unga nito kanina ay walang pinagkaiba, ngunit kung makarating iyon sa tainga ng isa
pang Spirit Beast na nagtataglay ng matalim na diwa ng isang hayop ay ramdam nila na ang
unga na iyon ay mula sa isang nakatayo sa pinakamataas na taluktok ng mga Spirit Beasts,
isang babala mula sa amo na isang Guardian Grade Spirit Beast!
Hindi na kailangan pang sabihin na ang mabangis na tigre ay isa lamang mababang uri ng Spirit
Beast, maging sa isang mataas na uri ng Spirit Beast, ang "rawr" ni Lord Meh Meh ay tatakot
rin sa kanila. Hindi nila magagawang labanan si Lord Meh Meh at wala rin silang lakas ng loob
na tumingin ng diretso sa mga mata ni Lord Meh Meh.
Ang mayanig mula sa kinatatayuan nito ay magsasabi na tungkol sa katatagan ng isip ng
mabangis na tigre!
Ngunit lahat ng tungkol kay Lord Meh Meh ay tanging si Jun Wu Xie lamang ang nakakaalam
at wala sinuman sa arena. Sa mata ng mga naroroon, ang kanilang nasaksihan ay kakaiba at
hindi kapani-paniwala!