Inangat ni Jun Wu Xie ang kaniyang ulo at tumingin sa kaakit-akit na baba na iyon, at isang
liwanag ang kumislap sa kaniyang mata.
Napansin ni Jun Wu Yao ang kilos nito at isang ngiti ang namutawi sa kaniyang labi, bahagya
siyang yumuko upang masdan si Jun Wu Xie na nakatingin sa kaniya na nanlalaki ang mata.
Naisip na sobrang nakakaakit ito sa sandaling iyon, hindi niya napigilan ang sarili na magtanim
ng halik sa tungki ng maliit nitong ilong.
Namula ang mukha ni Jun Wu Xie at mabilis siyang yumuko.
Si Jun Wu Yao na nasa likuran niya ay bahagyang tumawang nanunudyo.
"Talaga bang mapapagaling siya ng Soul Calming Jade?" Tanong ni Jun Wu Xie habang
nararamdaman ang hindi maipaliwanag na init sa kaniyang mukha. Ang hindi pamilyar na
emosyong iyon ay nagbigay sa kaniya ng hindi komportableng pakiramdam at kinailangan
niyang baguhin ang usapan at ibalik ang tingin sa anyo ng munting Emperor.
Tumingin si Jun Wu Yao kay Jun Wu Xie habang sinusubukang ibahin ang paksa at naisip niya
iyon ay nakakatuwa. Ngunit hindi siya nababahala na ipilit iyo at matiyaga na lamang niyang
niyakap si Jun Wu Xie sa kaniyang braso at sinabi: "Magagawa nito, ngunit mangangailangan
ito ng mahabang oras. Ang Scarlet Blood sa katunayan ay isang binagong anyo mula sa isang
bagay na kung tawagin ay Scarlet Darkness sa Midlle Realm ngunit mayroong isang malaking
problema doon. Ang Scarlet Blood at Scarlet Darkness ay ibinatay sa parehong konsepto
ngunit ang Scarlet Blood ay kulang ng isang kritikal na elemento, ang bunga nito ay isang
produkto na mas mababa."
Ang sulyap ni Jun Wu Yao ay natuon sa munting Emperor na nakahiga sa kama.
"Scarlet Darkness? Ano iyon?" Mausisang tanong ni Jun Wu Xie.
Tumatawang sumagot ni Jun Wu Yao: "Ang bagay na iyon ay mula sa Dark Region. Matagal na
panahon na ang nakalipas, ang Dark Emperor ay ginamit ang Scarlet Darkness upang gumawa
ng grupo ng makapangyarihan na tagasunod at hindi nalalaman kung saan ang ibang
kapangyarihan sa Middle Realm ay nalaman ang ilang impormasyon tungkol doon at nais
tularan ang buong bagay na iyon, ngunit ang nagyari sa huli ay aso ang naiguhit at nabigong
ipinta ang tigre na nakita nila sa kanilang kaisipan (Translator's Note: Chinese idiom maluwag
na isinalin - Ang bigong pagkopya ng isang bagay at sa huli'y mababa ang kinalabasan.) Ang
Scarlet Blood ay hindi kumpleto at bagaman na nakagawa sila ng makapangyarihan na mga
mandirigma, at hindi nila nagawang mabuhay ng matagal pagkatapos niyon. Ang
kapangyarihang nakuha sa halaga ng spirit at buhay ng isang tao, ay wala gaanong gamit."
[Ang magkaroon ng buhay na tatlong araw, kahit gaano pa sila kalakas, ano ang makakamit
nila?]
[Sa tatlong araw, hindi ba't sa huli ay magiging tumpok lamang sila ng buto sa ialim ng lupa?]
"Ang Soul Calming Jade ay isang mahalagang kayamanan para sa spirit bodies at bagama't
kalahati lamang iyon, ay magiging pektibo pa rin ang gamit nito."
Tahimik na makinig si Jun Wu Xie at ang puso niya sa wakas ay nakaramdam ng
kaginhawahan.
Marahil ay talagang pagod lamang siya, o dahil siguro sa paglitaw ni Jun Wu Yao kaya
nakaramdam si Jun Wu Xie ng kaligtasan. Yakap ng mga braso ni Jun Wu Yao, si Jun Wu Xie ay
nakaidlip.
Binuhat ni Jun Wu Yao ang natutulog na si Jun Wu Xie sa kaniyang braso, dinala sa silid nito
upang makapagpahinga. Pagkatapos ay tumalikod upang mulang magtungo sa silid ng
munting Emperor.
"Lord Jue." Nanatili si Ye Mei sa tabi ng higaan ng munting Emperor upang bantayan ito ngunit
sa pares ng mga matang iyon na nakatingin sa munting Emperor, ay walang anumang bahid ng
simpatya.
"Dapat ba siyang patayin ng inyong lingkod?" Ang boses ni Ye Mei ay matindi at puno ng
kagustuhang pumaslang.
Lahat ng napeste ng Scarlet Blood, ay isang uri ng insulto kay Jun Wu Yao at hindi nila dapat
payagan na manatili itong buhay.
Naglakad palapit sa tabi ng higaan ng munting Emperor si Jun Wu Yao at minasdan ang piraso
ng Soul Calming Jade na nasa harapan ng dibdib ng munting Emperor na unti-unting nagiging
likido ang anyo habang sumasama sa katawan ng munting Emperor at sinabi: "Ang mga tao sa
Middle Realm ay talagang sinubukang mabuti na gayahin ang karangyaan ng Night Regime
ngunit sila'y bigo. Ye Mei, alam mo ba kung sa anong paraan naging iba sa inyo ang munting
batang ito na nasa higaan?"
Umiling si Ye Mei.
"Hindi ko alam."
Naningkit ang mata ni Jun Wu Yao at ang sulok ng labi niya ay napangisi.
"Ang Scarlet Blood ay matagumpay na nagaya ang lahat na mayroon sa Scarlet Darkness,
ngunit may isang bagay na hinding-hindi magagawang kopyahin at siguradong hindi
mapapalitan. Alam mo ba kung ano iyon?"
"Hindi alam ng inyong lingkod." saad ni Ye Mei.
Dahan-dahang itinaas ni Jun Wu Yao ang kaniyang kamay, at gamit ang kuko sa kaniyang
hinlalato, at kinaskas niya ang balat sa kaniyang hinlalaki.