"Hm?" Inisip ni Duan Ling Tian na matatapos niya ang laban kung magiging anyong Nine-
clawed Dragon Warrior siya subalit nagitla siya sa mga sinabi ni Yuwen Hao Chen. Nagpigil rin
ba ng lakas si Yuwen Hao Chen kanina?
Nagulat rin ang mga taong naroroon. Inakala rin nilang matatalo na si Yuwen Hao Chen nang
magbago ang anyo ni Duan Ling Tian. Matapos ang lahat, magkapantay lamang sila bago
maging Nine-clawed Dragon Warrior si Duan Ling Tian. Sa lohikal na usapan, mas magiging
malakas siya kumpara kay Yuwen Hao Chen. Madali lamang sana para kay Duan Ling Tian na
patayin ang palace master.
Subalit, ang mga sinabi ni Yuwen Hao Chen ay may ibang pakahulugan.
"May alas pang nakatago si Lord Palace Master?"
Kahit ang mga nagmula sa Wandering Saint Palace ay nagulantang sa mga sinabi ni Yuwen
Hao Chen, lalo naman ang ibang nagmula sa Three Palaces at Six Halls.
"Nagpigil rin si Yuwen Hao Chen kanina?"
