"Talaga bang nakita mo na ang Young Mansion Master ng Azure Cloud Mansion dati?"
"Saan mo siya nakita? May mga palatandaan ka ba? Kung mayroon, pwede mong sabihin sa Great Spirit Palace. Paniguradong bibigyan ka nila ng pabuya!"
Tinignan ng dalawang disipulo si Huang Zheng at tinanong siya nang magkakasunod.
"Nakita ko na ang taong nasa imahe dati, subalit…" Patuloy na nagsalita ang dalawang disipulo na kasama niya bago pa man matapos ni Huang Zheng ang sagot niya, "Sigurado ka bang wala kang alam sa lokasyon niya? Sayang naman. Maganda sana kung may alam ka. Kung hindi, wala naman tayong magagawa kahit nakita mo na siya dati."
"Oo nga…" Tango ng isa pang disipulo.
Tila ba hindi narinig ni Huang Zheng ang sinabi ng dalawa pang disipulo at nagtanong na lamang siya, "Sa tingin niyo ba pwedeng mabuhay ang dalawang tao na may parehong pangalan at itsura sa mundong ito?"
