Habang dumadaloy kay Duan Ling Tian ang malawak na aura, idinalat niya na rin ang kaniyang mga mata. Kasing liwanag at nakasisilaw ito na parang maliliit na araw.
Mabuti na lamang at walang nakatingin kay Duan Ling Tian sa sandaling iyon. Kung hindi, mabubulag sila!
"Hahahahaha... "
Habang unti-unting nagdidilim ang liwanag sa mga mata ni Duan Ling Tian, hindi niya napigilan ang sarili at nagsimulang humalakhak.
Sa sandaling iyon, ang lahat ng depresyon na noo'y nararamdaman niya ay tila naglaho!
Ang lahat ng ito ay dahil sa kasulukuyang cultivation na ngayo'y naabot niya; Ang Sixth Form ng Saint Celestial Stage!
Ang Sixth Form ng Saint Celestial Stage ay kilala rin bilang Heavenly Soul Form.
Ang kaluluwa ng isang nilalang na makaaabot sa cultivation na ito ay magiging isa kasama ang kalawakan, kapalit nito ay ang pagtanggap pa ng kagalingan at kapinuhan. Ito rin ang Seventh Form ng Saint Celestial Stage, ang Heaven Defying Form.
