Matapos makatanggap ng kumpirmasyon mula kay Duan Ling Tian, hindi makapagsalita si Wang Fei Xuan nang ilang sandali. Naramdaman niya noong pagkakataon na iyon na hindi patas ang Diyos!
Ang binatang nasa harap niya na may kapareho niyang cultivation ay wala namang likas na talento na hihigit sa kanya, subalit, ang kanyang lakas ay katumbas ng isang Intermediate Eminent Saint Stage powerhouse! Paano naman ito naging patas?!
Sa pagkakataong ito, nakaramdam na talaga ng sobrang galit si Wang Fei Xuan. Natural, nakaramdam lamang siya nang ganito dahil hindi niya alam ang pinagmulan ni Duan Ling Tian. Kung alam niya lang na si Duan Ling Tian ay nagmula sa Mortal Continent at naabot niya lamang ito nang hakbang bawat hakbang, hindi niya sana ito mararamdaman.
