Kasalukuyang napasa na ni Duan Ling Tian ang lahat ng mga pagsubok sa Abyssal Swamp na naglalaman ng Divine Ability Relic. Ang ibig sabihin lang nito ay maaari na niyang makuha ang Divine Ability sa Abyssal Swamp.
Ang Divine Ability sa Abyssal Swamp ay walang iba kung hindi ang Elementary Devouring Tactic!
'Malalagay din kaya sa isang batong tableta ang Elementary Devouring Tactic tulad noong nakuha ko ang Six Harmonies Golden Body?' Pagka-isip ni Duan Ling Tian tungkol dito, agad siyang tumingala para hintayin ang paglitaw ng mga bitak sa langit para lumabas ang batong tableta kung saan nakalagay ang Divine Ability.
Subalit walang nangyari matapos niyang maghintay nang matagal.
"Anong nangyayari?" Sobrang nagulat si Duan Ling Tian. Wala siyang kaalam-alam sa mga nangyayari. "Asan na ang matandang iyon? Hindi ba sabi niyang ipapasa niya sa'kin ang Elementary Devouring Tactic 'pag natalo ko siya? Pi- Pinaglalaruan niya ba ako?"
