Sa ilalim ng mapagmatyag na mga mata ni Duan Ling Tian, isang anyo ang biglang lumitaw sa itaas ng alapaap.
Ang Palace Master ng Heaven Palace ay isang matandang lalaking mayroong katamtamang laki ng katawan. Bukod sa kaniyang mga putting kilay, mayroon siyang isang bungkos ng bigote. Mayroon siyang maamong mukha, subalit ang kaniyang mga mata ay puno ng kaalaman na tila ba hindi siya kasingsimple ng hitsura niya.
Ang Palace Master ng Heaven Palace na may suot na isang mahaba at kulay abong kapa ay nakatayo lamang habang umiihip ang hangin sa paligid niya. Pati ang kaniyang kapa ay nanatiling hindi gumagalaw.
"Ikaw si Ling Tian?" Habang nagmamatyag ang iba, tumingin ang Palace Master ng Heaven Palace kay Duan Ling Tian. Ang kaniyang matitingkad na mga mata ay may taglay na init habang siya ay nakatingin sa kaniya.
"Palace Master." Bahagyang tumango si Duan Ling Tian.
