Kahit na hinarang ng Mountainshade Black Market ang malawakang pagkalat ng balitang ito, malinaw pa rin itong nakaabot sa Azure Cloud Mansion.
"Ano ba ang nais na gawin ni Dugu?" Nagdilim ang ekspresyon ni Duan Ru Feng habang mayroong malamig na pagkislap ang kaniyang mga mata.
Sa sandaling ito, natuklasan din niya na bago pa man maihayag ang Devilseal Tablet na hawak ng kaniyang anak na lalaki, siya ay pinagmamatyagan na ni Leader Dugu mula sa Mountainshade Black Market.
"Talagang alam ni Dugu kung sino ang aking anak at mayroon pa siyang litrato niya! Saan ba niya ito nakuha?" Si Duan Ru Feng ay naguguluhan.
Subalit, nang umusbong ang isang ideya sa isipan niya, madali niyang nahulaan na malaki ang posibilidad na may kinalaman ito sa dragon clan. Kung tutuusin, ang rason kung bakit nagpunta siya sa dragon clan nakaraan ay dahil sa kaniyang anak na lalaki.
