Bahagya lamang nagulat si Duan Ling Tian sa katotohanang napuksa ang buong Ouyang Clan, at mabilis niya rin itong nalimutan.
Subalit, mayroong isang bagay na kinaiinisan niya.
"Umalis si Huang Cheng sa kanyang piwesto at naglaho?" Ang bagay na hindi nais makita ni Duan Ling Tian ay nangyari na.
Ang outer court elder ng Moon Illumination Sect, si Huang Cheng, na nais siyang patayin noong nakaraan ay piniling umalis sa Moon Illumination Sect matapos niyang mabigo sa pagpatay sa kanya.
"Paniguradong nag-alala siya na ako'y babalik sa Moon Illumination Sect at sasabihin ko kay Senior Brother Bai Li ang pagtangka niyang pagpatay sa akin." Halos nakasigurado si Duan Ling Tian tungkol dito.
Kahit na isang outer court elder si Huang Cheng, ang kanyang Senior Brother, si Bai Li Hong, ay madali siyang mapapatay kung nanaisin nito. Sa katunayan, hindi niya kailangan gawin ito ng siya mismo.
